Esat Valla sonte hap ekspozitë në Open Art Gallery

Artisti Esat Valla sonte prezanton veprat e tij me ekspozitën personale të titulluar: “Arti pamor si rezistencë (1990 – 1999)”. E kuruar nga Zeni Ballazhi, kjo ekspozitë hapet nga ora 19:30, në galerinë “Open Art Gallery”, në Prishtinë. Sipas kuratorit Ballazhi, gjatë viteve 1981–1999, Kosova përjetoi një nga periudhat më të errëta të historisë së saj moderne, kur popullata shqiptare u përball me shtypjen sistematike nga regjimi serb. Esat Valla është i njohur për stilin ekspresiv dhe simbolikën e thellë. Kthesa e madhe në pikturën e tij erdhi në dekadën e tetë të shekullit të 20-të. Ai ka një shije të veçantë në përcaktimin e kompozimeve, mjeshtërisë dhe elegancës, një shije që e ka trashëguar nga studimet e tij deri më sot. Valla vazhdon të frymëzojë brezat e rinj dhe të ruajë kujtesën kolektive, por edhe krenarinë dhe dinjitetin njerëzor, transmeton Klankosova.tv.