Escobar ishte Kosovë para takimit, krerët shtetërorë e duan njohjen në qendër (VIDEO)

Tre liderët më të mëdhenj të shtetit, të premten pritën të njëjtin mysafir. Secilit veç e veç u shkoi në zyrë i dërguari amerikan për Ballkanin Perëndimor, Gabriel Escobar. Ky qe shansi që presidentja Vjosa Osmani, kryeministrin Albin Kurti e kryeparlamentarin Glauk Konjufca, një ditë para takimit të Ohrit të shprehin pritshmëritë për marrëveshjen evropiane, njofton Klankosova.tv. “Një marrëveshje e drejtë, e qëndrueshme dhe gjithëpërfshirës, ku trajtohemi si dy shtete të barabarta, është e vetmja mënyrë për të siguruar paqe afatgjatë, stabilitet dhe prosperitet në rajon. Kosova shkon drejt Ohrit me këtë mendësi si dhe me shpresë për një rezultat pozitiv” qe deklarimi i presidentes, Vjosa Osmani. Nga zyra e kryeministrit Albin Kurti pas takimit me të dërguarin e Amerikës, thanë se janë gati për përballjen e së shtunës. “Propozimi Evropian është cilësuar dhe pranuar nga Kosova si bazë e mirë dhe platformë solide për të ecur përpara drejt normalizimit të plotë të marrëdhënieve ndërmjet Kosovës dhe Serbisë, me njohjen reciproke në qendër. Të përkushtuar, konstruktiv dhe kreativ, delegacioni qeveritar i Kosovës udhëton për në Ohër me vullnet të mirë, qëllime të mira dhe besim të mire” thuhet në kumtesën e qeverisë. Derisa, kryeparlamentari, Glauk Konjufca, tha se Escobarit ia kujtoi takimin e 27 shkurtit në Bruksel dhe qëndrimin konstruktiv që tha se e mbajti Kosova. Në institucionin që udhëheqë Konjufca duhet të dërgohet marrëveshja evropiane që potencialisht mund të nënshkruhet të shtunën në Ohër. Kështu të paktën deklaroi presidentja Osmani, derisa bëri me dije që nënshkrimi i 11 pikëshit e shtron edhe rrugën për njohje reciproke mes shteteve. https://www.youtube.com/watch?v=IRY1901-wII Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS