EULEX anulon takimin me Kuçin, kritikohet për ndërhyrje në drejtësi

 EULEX-i me anë të një komunikate për media ka reaguar ndaj një deklarate të ministrit të Drejtësisë, Hajredin Kuçi. Gjithashtu misioni i BE-së për drejtësi në Kosovë, ka njoftuar se takimi i sotëm i akterëve të drejtësisë është shtyer për shakak të deklatave të ministrit të cilat i ka cilësuar si kërcënim dhe ndërhyrje në drejtësi. “Sot, EULEX-i, PSBE-ja, dhe zyrtarë të lartë të gjyqësorit të Kosovës, duke përfshirë Ministrin e Drejtësisë, kanë pasur në plan që të mbajnë mbledhjen e Bordit të Përbashkët për Sundimin e Ligjit (BPSL) për të rishikuar progresin dhe forcuar qasjen e përbashkët për sundimin e ligjit në Kosovë. Mbrëmë, në një intervistë televizive, Ministri i Drejtësisë ka dhënë mendimin e tij lidhur me meritat e një rasti penal të profilit të lartë në Gjykatën e Apelit dhe e ka vënë në pyetje vendimin të cilin e kanë marrë gjyqtarët në Gjykatën Themelore në Prishtinë. EULEX-i thekson se deklaratat e tilla mund të perceptohen si frikësim dhe ndërhyrje politike. Autoritetet e Kosovës duhet të sigurojnë që gjyqësori të gëzojë mbështetjen e duhur për të gjykuar në një mjedis të paanshëm. Pas kësaj deklarate të Ministrit të Drejtësisë, takimi i sotëm i BPSL-së shtyhet për një datë tjetër,” përfundon komunikata e EULEX-it, njofton Klan Kosova.