Familja arbëreshe shtron drekë për shqiptarët nga Kosova (VIDEO)

Emisioni më i ri në ekranin e Klan Kosovës, kësaj here iu dërgon brenda një familje arbëreshe në Sicili të Italisë. Familja katër anëtarëshe e Pier Paolo Petta, për ekipën e Klan Kosovës hapi derën e shtëpisë së tyre dhe shtroi drekë. Kjo, një familje e cila me shumë dashuri ruan gjuhën e lashtë ilire, arbërishten. Pier Paolo dhe gruaja e tij, Serene, traditat e zakonet e të parëve, ua përcollën edhe fëmijëve të vet. E babai, Paolo, nuk është veç një burrë me ADN shqiptari, ai përveç se luan shkëlqyeshëm piano dhe fizarmonik, është botues, kompozitor dhe doktorant i muzikes Jazz. Ai ka botuar libra me këngë arbëreshe, dhe ka shtypur disa albume me këngë arbëreshe, madje edhe për fëmijë, që gjuha 'amë'. mos të asimilohet. https://www.youtube.com/watch?v=h6JBQkEqqsM Pasionin për muzikën, ky ua ka mësuar edhe fëmijëve të vet, ata luajne violinë e violonçel. E kur nëna iu bashkohet në melodi, nisin notat e këngës së tyre të preferuar, "Kah dera të erdha". Djemtë, Mariano dhe Aleksandro, flasin rrjedhshëm arbërishten, njohin futbollin shqiptar, dhe me shqiponjën dykrenare bëjnë tifo për klubin e qytetit të Tiranës "Partizani". Përgatiti gazetarja, Albiona Halimi.