Për ekspozimin e tyre u desht goxha hapësirë e kampit policor, ‘Enver Zymberi’.
Krejt arsenali i armëve që forcat e rendit e kapën në Banjskë të Zveçanit, ku u sulmuan nga terroristët, kap shifrën e pesë milionë eurove.
Ai për një kohë do të qëndrojë në duart e policisë në cilësinë e provave. Por me përfundimin e procesit gjyqësor që synon të zbardhë sulmin e së dielës, armatimi mund t’i kalojë për përdorim atyre ose ushtrisë.
Që ato të mos asgjësohen, duhet fillimisht kërkesë e prokurorit të rastit, njofton Klan Kosova.
Por, vendimi që e merr gjykata, mund të mos jetë i njëjtë për krejt prej tyre. Kjo, pas vlerësimit që u bëhet.
Gati njëjtë veprohet edhe me automjetet që u kapën. Ato mund t’iu kalohen institucioneve për shfrytëzim ose të shiten në ankand.
https://www.youtube.com/watch?v=_bdOYXmUOz8
●●●
BSHKRIMI NGA
BM
Editorial nga Klan Kosova — ndjek video lajme dhe zhvillimet e tjera kryesore të vendit.
