EKSKLUZIVE: Federata e Tenisit të Kosovës, pranohet në Federatën Ndërkombëtare

Federata e Tenisit të Kosovës gjatë ditës së sotme është pranuar me të drejta të plota si anëtare e Federatës Ndërkombëtare të Tenisit. Lajmin për Klan Kosovën e ka konfirmuar kryetari i Federatës së Tenisit të Kosovës, Shkelzen Domi. "Kosova është pranuar me 74.30% të votave", ka thënë Domi. Pas pranimit në mars të këtij viti në Tennis Europe, ky është suksesi i radhës që ka arritur kjo federatë sipas tij. "Deri tash kemi luajtur nën flamurin e ITF dhe atë individualit, por prej janarit të vitit 2016 do të prezantohemi si reprezentacion, nën himnin shtetëror", ka thënë Domi, transmeton Klan Kosova. Ky pranim është bërë sot gjatë mbledhjes së zakonshme që e mbanë Federata Ndërkombëtare, e që sivjet është mbajtur në Santiago, të Kilit.