Fëmijët e lindur nga embrionet e ngrira mund të jenë më të rrezikuar nga kanceri

Fëmijët e lindur si rezultat i një procedure të zakonshme të fertilitetit që përfshin embrione të ngrira, mund të kenë rrezik më të lartë të shfaqjes së kancerit, raportojnë studiuesit suedezë. Në transferimin e embrionit nga i ngrirë në të shkrirë, një embrion krijohet në një laborator nga një vezë dhe sperma, ngrihet dhe shkrihet më vonë para implantimit. "Rreziku individual ishte i ulët, ndërsa në nivel popullsie mund të ketë një ndikim për shkak të rritjes së madhe të cikleve të ngrira pas riprodhimit të asistuar", tha autorja e studimit, Ulla-Britt Wennerholm. Studimet e mëparshme kanë sugjeruar se fëmijët e lindur pas transferimit ‘i ngrirë-shkrirë’ mund të kenë rreziqe më të larta shëndetësore afatshkurtra, por rreziqet afatgjata kanë qenë më pak të qarta. Për studimin e ri, studiuesit analizuan të dhënat mjekësore nga më shumë se 7.9 milionë fëmijë në Danimarkë, Finlandë, Norvegji dhe Suedi. Prej tyre, rreth 172 mijë kanë lindur si rezultat i teknologjisë riprodhuese të asistuar (ART), duke përfshirë 22 mijë e 630 të lindur pas transferimit të ngrirë-shkrirë. Ndërsa fëmijët e lindur pas transferimit të embrionit të ngrirë ishin në rrezik më të lartë të kancerit, sesa fëmijët e lindur pas transferimit të embrionit të freskët ose të konceptuar pa ART, rreziku i përgjithshëm i kancerit nuk ishte më i lartë për ata të konceptuar përmes ART-së, theksuan studiuesit. Në këtë studim, format më të zakonshme të kancerit ishin leucemia dhe tumoret e sistemit nervor qendror, vunë në dukje autorët e studimit në një njoftim për lajmet në revistë. Studiuesit thanë se rezultatet duhet të shihen me kujdes, sepse numri i fëmijëve që zhvilluan kancer ishte i ulët - gjithsej 48 raste. Do të nevojiteshin më shumë studime për të konfirmuar një lidhje të mundshme midis kancerit dhe transferimit të ngrirë-shkrirë dhe çdo mekanizmi biologjik që qëndron në themel të rrezikut.