Fëmijët e lindur pas pavarësisë pikturojnë Kosovën (VIDEO)

Në Bibliotekën Kombëtare të Kosovës është hapur ekspozita e përbashkët me punime artistike të nxënësve nga Kosova dhe Shqipëria. Ajo është organizuar nga Ministria e Arsimit për nder të 15-vjetorit të pavarësisë dhe përmban 107 punime, raporton Klan Kosova. “Ky brez i nxënësve të lindur pas shpalljes së pavarësisë, jeni me fat që po rriteni në liri. Fryma e lirisë shihet qartë në këto punime”, tha ministrja e MASHTI-t, Arbërie Nagavci. Shumë krenarë për punën e nxënësve që thonë se shpalos mendjen e tyre të hapur janë edhe autoritetet e Shqipërisë. “Gjithçka keni punuar, e keni punuar me duar të arta. Në vizatimet e juaja ndjehet aroma e lirisë, me ngjyrat e tyre ndjehet krenari, dhe nga ana tjetër përçoni mesazhin e vazhdimësisë”, u shpreh Hasan Muqa, drejtor në drejtorinë rajonale të arsimit parauniversitar në Lezhë. Ekspozita do të qëndrojë e hapur deri në 15 mars. /Klankosova.tv Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://youtu.be/B0mX7fqU5pI