Ferizaj mbetet pa Plan të ri Zhvillimor

Kuvendi Komunal në Ferizaj ka dështuar që të miratojë planin e zhvillimit ekonomik për shtatë vitet e ardhshme, njofton Klan Kosova. Faruk Guri, kryesuesi i Kuvendit të Ferizajt ka thënë që arsyeja e shtyerjes së miratimit të këtij plani është se Kuvendi nuk ka marrë asnjë shkresë prej ministrisë lidhur me këtë çështje. "Ne si Kuvend i Komunës kemi vendosur që me propozimin tim që ky miratim i Planit Zhvillimor  të shtyhet deri të enjten", ka thënë Guri në Kosova Direkt në Klan Kosova. Ndërsa sipas Lulzim Aliut, nënkryetarit të PDK-së në Ferizaj, ky plan zhvillimor është "kaotik". "Ky është një plan zhvillimor  për të bërë kaosin urban dhe ne vazhdimisht kemi bërë vërejtje lidhur me këtë gjë", ka thënë Aliu.