Ferrari që trazoi shqiptarët

Është prej fotove shumë të përfolura ditëve të fundit. Megjithëse nuk dihet me siguri, thuhet se është shkrepur diku në një fshat shqiptarësh në Mal të Zi. Arsyeja e gjithë këtij komentimi që i është bërë është stereotipi i krijuar për shqiptarët, të cilët nuk e kanë për gjë të blejnë makina të shtrenjta paçka se shtëpinë e kanë kasolle. Në fakt, ky është  mesazhi që duam apo nuk duam jep kjo fotografi. Por, a mund të gjykohet për të pa ditur historinë e plotë? A mund të dalim në një përfundim duke u bazuar vetëm në një fotografi? Dhe, a mund të krijojmë struktura për të treguar lidhmërinë mes pasurisë dhe makinave të shtrenjta? Shqiptarët i kanë qejf makinat e shtrenjta. Kush nuk i ka?