Fillimi i mësimit është goxha i vështirë për këtë nënë me 22 fëmijë

Ndërsa shkollat fillojnë të rihapen, shumë prindër kanë pasur punë për të gjetur gjithçka që iu nevojitet fëmijëve të tyre. Mund të jetë një kohë stresuese dhe poashtu e shtrenjtë e vitit, por pak nëna kanë aq shumë punë për të organizuar sa Sue Radford. Ajo është nënë e 22 fëmijëve, familjes më të madhe në Britani, dhe këtu përfshihen tetë fëmijë që nisin katër shkolla të ndryshme. Ajo duhet të përgatisë gjithçka dhe të jetë gati për kthimin e tyre në shkollë, ndërsa kujdeset për fëmijët e vegjël, një foshnjë dhe një numër adoleshentësh. Tetë nga fëmijët janë në shkollë, dy të tjerë janë në kolegj dhe Max është në shkollë të mesme. Një numër i madh i fëmijëve të çiftit jetojnë në shtëpinë masive të dhjetë dhomave të familjes, përfshirë Millie, 19 vjeç dhe vajzën e saj të vogël, Ofelinë. Kështu Sue dhe burri i saj Noel, të cilët jetojnë në Morecambe, Lancashire, nuk kanë zgjidhje tjetër veçse të jenë të organizuar deri në minutë, në mënyrë që rutinat e tyre të mëngjesit të kalojnë pa asnjë problem. Në Instagramin e tyre, Radfordët na dhanë të gjithëve një vështrim brenda orarit të tyre të ngjeshur. Në një postim, ata treguan grumbuj uniformash të palosura shkollore, këpucë shkollore dhe ujë të ripërdorshëm në shishe. Sue shkroi: “Pushimet verore kanë mbaruar. Shumë të mërzitur që do të kthehen në shkollë nesër, por ne kemi pasur pushimet më të mira verore”. Postimi u nda me mbi 400,000 ndjekës - dhe komentuesit ishin të etur për t'i uruar fëmijëve. Një person shkroi: “Fat të mirë për të gjithë”, transmeton Klankosova.tv.  

 

View this post on Instagram

 

A post shared by Radford Family (@theradfordfamily)