Fillimi i vitit të ri shkollor – mos ua jepni fëmijëve telefonin me vete

Ndërsa fëmijët kanë nisur sot vitin e ri shkollor, shumë shkolla nuk i lejojnë ata t’i marrin telefonat e tyre në klasë. Legjislacioni për ndalimin e telefonave në shkolla është propozuar ose miratuar në shumë shtete të botës. Shumica e shkollave tashmë kanë politika që i ndalojnë ato për përdorim joakademik, sipas Qendrës Kombëtare për Statistikat e Arsimit, shkruan CNN, transmeton Klankosova.tv. Prindërit shpesh i vënë në dyshim këto politika, sepse duan të jenë në gjendje të kontaktojnë fëmijët e tyre në raste urgjente. Megjithatë, kërkimet sugjerojnë se nuk është vetëm një ide e mirë që fëmijët t’i lënë telefonat gjatë orës mësimore, por nuk duhet t’i sjellin fare në shkollë. Rreth 97 për qind e 11-17-vjeçarëve përdorin telefonat e tyre gjatë kohës së shkollës, për një mesatare prej 43 minutash, sipas një studimi të Common Sense Media të vitit 2023. Nëse ata po kontrollojnë telefonat e tyre midis orëve të mësimit ose në drekë dhe pushim, ata ka të ngjarë të jenë të preokupuar me atë që po shohin në telefona dhe për këtë arsye shpenzojnë më pak kohë duke folur, duke luajtur apo edhe thjesht duke u shoqëruar me shokët. Një preokupim i tillë nuk është i shëndetshëm sepse, siç shkruan psikologu social, Jonathan Haidt në "Gjenerata e Ankthit: Si Rilidhja e Madhe e Fëmijërisë po shkakton një Epidemi të Sëmundjeve Mendore", një nga gjërat më të rëndësishme që të rinjtë duhet të bëjnë është të luajnë me bashkëmoshatarët. Duke bërë këtë, ata mësojnë të lundrojnë në dinamikat sociale dhe të ndërtojnë aftësi duke kuptuar se si të bëjnë aktivitete të ndryshme. Ai i mëson ata se mund të përballojnë sfida të tjera me të cilat do të përballen në të ardhmen, të cilat Haidt tha se mund t'i mbrojnë ata nga ankthi, shkruan CNN, transmeton Klankosova.tv. Telefonat inteligjentë nuk po i bëjnë fëmijët më të zgjuar Pra, telefonat nuk po ndërhyjnë vetëm në kohën e fëmijëve jashtë klasës. Në një sondazh të Qendrës Kërkimore Peë në qershor, 72 për qind e mësuesve të shkollave të mesme publike thanë se shpërqendrimet e telefonave celularë janë një problem i madh në klasat e tyre. Nëse fëmijët po shikojnë fshehurazi telefonat e tyre, ata nuk mund t'i kushtojnë vëmendje asaj që supozohet të mësojnë. Një grup i gjerë provash tregojnë se truri i njeriut nuk mund të kryejë shumë detyra – pra ne mund të bëjmë vetëm një gjë në një kohë, transmeton Klankosova.tv. Dhe si përfundim, dërgimi i fëmijëve në shkollë pa telefona inteligjentë i detyron ata të përqendrohen në atë që po ndodh para tyre dhe jo në ekranet e tyre.