Filmat më të shikuar gjatë vikendit në Amerikën Veriore (FOTO)

Si çdo të hënë, edhe sot është publikuar ranglista e top 10 filmave më të shikuar gjatë vikendit, Top 10 Box Office List, një listë e përpiluar nga të dhënat e mbledhura nga mbi dy mijë kinema gjithandej ShBA-së dhe Kanadasë. Ranglista e filmave tregon edhe preferencat e familjeve amerikane për zhanrin e filmit që preferojnë të shikojnë gjatë vikendit dhe sikurse edhe javën e kaluar dominojnë filmat aventurë/fantastikë-shkencor si dhe dramat romantiko-komike, përcjell Klankosova.tv Me 44.2 milionë dollarë të fituar në vendin e parë, radhitet filmi “Uncharted” me Tom Holland dhe Mark Wahlberg në rolet kryesore. Në vendin e dytë radhitet drama mbi marrëdhëniet speciale që njerëzit vazhdojnë të kenë me qenin, filmi “Dog” me Channing Tatum në rolin kryesor, film që nga shitja e biletave gjatë vikendit ka fituar 15.1 milionë USD. Filmi i fundit nga super-heroi i Marvellit, “Spider-Man: Now Way Home” është rikthyer në top 5-she duke u radhitur në vendin e tretë me 7.7 milionë dollarë. Gjersa në vendin e katërt me 6.3 milionë dollarë është “Death on the Nile” realizuar nga Kenneth Branagh bazuar në veprën e njohur kriminalistike të shkrimtares angleze Agatha Christie. Vendin e pestë këtë vikend e ka fituar filmi  “Jackass Forever” me 5.2 milionë dollarë. Më poshtë gjeni radhitjen e top 10 filmave më të shikuar gjatë vikendit në Amerikën veriore.