Novak Djokovic bëri shaka pasi fitoi ndeshjen kundër Rafael Nadal se mbase ai e kundërshtari i tij në finale Kevin Anderson, nuk do t’ia dalin as të ecin deri tek fusha për finale, njofton Klan Kosova.
Të dy, ai kundër Nadal e Anderson kundër John Isner, patën dy nga ndeshjet më të gjata në histori të turneut.
Anderson e John Isner luajtën për gjashtë orë e 36 minuta, kurse Djokovic e Nadal për pesë orë e 16 minuta.
Më e gjatë ishte vetëm ndeshja tjetër mes Isner e Nicolas Mahut që kishte zgjatur plotë 11 orë e pesë minuta.
Gjithsesi, shakatë anash, Djokovic e Anederson do të paraqiten në fushë, dhe atë me fillim në orën 15:00 me kohën tonë, për t’u ballafaquar në finalen që mbase askush s’e kishte pritur.
Anderson kërkon titullin e parë në këtë finale, që po ashtu është e para për të, në turneun më prestigjioz në botë.
Kurse Djokovic të hy në rrethin e pak njerëzve që mund të thonë se e kanë fituar katër herë këtë turne.
klankosova.tv
●●●
LSHKRIMI NGA
L
Editorial nga Klan Kosova — ndjek sport dhe zhvillimet e tjera kryesore të vendit.
