Fitoi lotari 229 mijë dollarë teksa priste ushqimin t'i bëhej gati

Një grua në Annapolis fitoi 229 mijë e 680 dollarë nga një biletë lotarie Fast Play që e bleu nga një makinë shitëse. "Kjo është e vërtetë!", ajo tha. Gruaja ka zgjedhur të jetë anonime dhe të quhet "Gjyshja Besnike" për të përshkruar fitimet e saj në Selinë e Lotarisë në Maryland në Baltimore. "Gjyshja besnike" mori biletat e lotarisë më 22 prill teksa priste porosinë e saj të ushqimit me pulë në zinxhirin Royal Farms në Maryland. Ajo nuk e kuptoi se fitoi derisa ishte në shtëpi. Vajza e saj, e cila shkoi me të për të marrë xhekpotin, tha: "Ajo më telefonoi dhe më tha: ‘Mendoj se fitova xhekpotin progresiv. Ajo ishte shumë e qetë’". Ajo shkoi te mamaja e saj për të kontrolluar dy herë biletën prej 10 dollarësh dhe pa se me të vërtetë fitoi. "Gjyshja besnike" nuk është e sigurt se çfarë do të bëjë me fitimet e saj. "Nuk e kam menduar. Jam ende në shok", tha ajo, "Por do ta shijoj jetën. Jam shumë e lumtur dhe mirënjohëse". Ajo megjithatë shtoi se do t’i ndihmojë nipërit e saj.