Fitoi loto 1.2 milionë dollarë, tiketën e la në sirtar për tre muaj pa e kontrolluar

Australiani që bleu një tiketë lotarie në muajin tetor, tha se pas tre muajsh e kuptoi se ishte fitues i çmimit prej 1.2 milion dollarësh. Personi nga Cambera u tha zyrtarëve të “The Lott” se ka luajtur rregullisht lotari për rreth 10 vjet, por se shpesh kalonte periudha të gjata pa i kontrolluar tiketat. Pasi e bleu tiketën në muajin tetor, ajo i qëndroi në shtëpi për tre muaj. “Ka qëndruar në një sirtar në shtëpi gjatë gjithë kësaj kohë. Është çmenduri kur e mendon që 1.2 milion dollarët kanë qenë duke ndenjur në atë sirtar gjithë atë kohë”, tha fituesi. Ai shtoi se këto para do t’ia mundësojnë atij që të jetojë lirshëm, larg problemeve financiare. “Do të kujdesem për familjen dhe ta paguaj hipotekën. Patjetër që do vazhdoj të punoj dhe do të mendoj se si ta investoj pjesën e mbetur të parave”, shtoi fatlumi.