Fiton 1 milion dollarë në lotari tre ditë pas ndarjes nga e dashura

Dita e Shën Valentinit e një burri nga Illinoisi i ShBA-së u shpëtua kur fitoi xhekpotin prej 1 milion dollarësh në lotari vetëm tre ditë pasi u nda nga e dashura. Burri i zonës së Çikagos u tha zyrtarëve të Lotarisë se ishte nisur për një festë zhgënjyese të Shën Valentinit pas ndarjes, por disponimi i tij ndryshoi pasi bleu një biletë gërvishtëse Monopoly 50X nga dyqani Walmart në North Avenue në Northlake. “Pasi gërvishta biletën fituese, më pushtoi plotësisht paniku”, tha fituesi. "Menjëherë ndjeva se jeta ime ndryshoi. Për pak nuk shkova në punë!" Ai shtoi se bileta përfaqësonte një përmbysje të fatit në më shumë se një mënyrë. "Unë jam çmendur duke mbajtur sekret këtë milion dollarë" tha fituesi. "Nuk kam dikë të veçantë për të ndarë lajmin tim të madh sepse unë dhe e dashura ime u ndamë tre ditë para se të blija biletën fituese. Mund të thuash që nuk kam pasur shumë fat në departamentin e dashurisë, por kjo është në rregull, sepse tani me të vërtetë kam arritur xhekpotin!"