Fiton 50 mijë dollarë pasi i dashuri i kërkon të blejë biletë lotarie

Një grua anonime nga Maryland e ShBA-së fitoi çmimin prej 50 mijë dollarësh Powerball pasi i dashuri i saj e inkurajoi të luante lojëra lotarie. "Ai gjithmonë thotë: "Vetëm luaj. Janë vetëm disa dollarë harxhim", tha fituesja për Maryland Lottery. Gruaja, e quajtur "Olney Winner" për shkak të zonës në Maryland, bleu biletën fituese me zgjedhje të shpejtë prej 10 dollarësh në Weis Markets në Laurel përpara shortit të 20 prillit. Bileta qëndroi në çantën e saj deri të hënën, kur e gjeti dhe e skanoi me aplikacionin Maryland Lottery. "Mendova, 'Kjo duhet të jetë një defekt. Në asnjë mënyrë'", tha fituesja. Nëna e saj konfirmoi fitoren me një tjetër skanim të biletës. Ajo tha se planifikon t'i përdorë paratë për pushime me vajzën e saj dhe të vazhdojë të blejë bileta me raste.