Fiton dy çmime lotarie prej 100 mijë dollarësh, njërën ia jep vëllait

Një burrë nga Karolina e Veriut në ShBA, i cili bleu dy bileta identike lotarie për shkak të gabimit të një shitësi, përfundoi duke fituar dy çmime prej 100 mijë dollarësh - dhe ai planifikon t'ia japë një vëllait të tij. "Zotëria në dyqan printoi aksidentalisht dy bileta me të njëjtat numra, kështu që unë vendosa t'i blej të dyja", u tha Timothy Emerick zyrtarëve të lotarisë. Biletat përfunduan të dyja duke qenë fituese prej 100 mijë dollarësh. Emerick tha se një nga çmimet do t'i shkojë vëllait të tij. “Unë gjithmonë kam thënë se nëse fitoj, do ta ndaj me të”, tha Emerick. Ai shtoi se vëllai i tij e ka fituar patjetër çmimin. "Me kalimin e viteve sa herë që kam pasur nevojë për të, ai ka qenë aty për mua", sqaroi Emerick. "Mendoj se ai do të bënte të njëjtën gjë nëse situata do të ndryshonte".