Fiton lotari, e harron biletën – dy herë

Një burrë nga Michigan që fitoi çmimin e përjetshëm të lotarisë prej 25 mijë dollarësh në vit, e harroi biletën e tij fituese - dy herë. Floyd Warstler, 70 vjeç, u tha zyrtarëve të lotarisë se e kishte blerë biletën për shortin e 13 gushtit në stacionin e karburantit, por e kishte harruar biletën për një muaj. "Unë blej nga një biletë çdo të hënë", tha Warstler. "Rreth një muaj pas tërheqjes së numrave, kuptova se nuk e kisha kontrolluar kurrë këtë biletë, kështu që e skanova atë teksa isha në dyqan. Mora një mesazh për të paraqitur një kërkesë në zyrën e lotarisë, kështu që mendova se ndoshta do të kisha fituar një çmim prej 5000 dollarësh”. Ai shtoi se përfundoi duke e harruar biletën për herë të dytë përpara se të zbulonte shumën e çmimit të tij. "Unë hipa në veturën time dhe e lashë biletën mënjanë për ta kontrolluar kur të kthehesha në shtëpi dhe përfundova duke e harruar. Një javë më vonë, e dashura ime e gjeti në makinën time dhe më pyeti nëse doja ta kontrolloja. Pasi i thashë për mesazhin që doli kur e skanova në dyqan, ajo kontrolloi numrat fitues në internet. Kur zbuluam se do të fitoja 25,000 dollarë në vit për gjithë jetën, nuk mundëm ta besonim", tha Warstler. Fituesi shtoi se kaluan edhe disa muaj të tjerë para se ta merrte çmimin e tij. "Ne zbritëm në jug për dimër disa ditë pasi mësuam se kisha fituar, kështu që jam shumë i lehtësuar që më në fund jam në lotari duke mbledhur çmimin tim", deklaroi ai. Warstler, i cili mori çmimin e tij 390 mijë dollarë si një shumë e përgjithshme, tha se ka në plan t’i investojë paratë e fituara. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.