Flasin nga Pulmologjia, pasi një kufomë qëndroi për shtatë orë në klinikë (FOTO)

Drejtoresha e Klinikës së Pulmologjisë, Rukije Mehmeti, është deklaruar rreth rastit të një kufome e cila ka qëndruar në njërën nga dhomat e kësaj klinike, për rreth shtatë orë pas vdekjes. Mehmeti për klankosova.tv deklaroi se e ndjera është sjellë në gjendje të rëndë shëndetësore nga Emergjenca  dhe se ka qenë në pritje të rezultatit për COVID-19. Sipas saj, në mungesë të rezultatit, obligimi ka qenë i familjes që ta bartë kufomën në morg dhe të njëjtit kanë refuzuar t'i marrin shpenzimet mbi vete. “Të ndjerës i është marrë mostra në Emergjencë dhe ka qenë në pritje të rezultatit për koronavirus”. “Ministria e Shëndetësisë bën barjen e kufomave vetëm në rastet pozitive meqë e ndjera ka qenë në pritje të rezultateve familjarët nuk kanë pranuar që t’i kryejnë shpenzimet për barjen e kufomës deri në morg dhe për këtë ka qëndruar deri në marrjen e rezultatit”. “E ndjera ka rezultuar pozitiv për COVID-19 dhe kompania e kontraktuar nga MSH menjëherë ka bërë bartjen e viktimës për në morg”, deklaroi Mehmeti Rastin e ka bërë publik në rrjetin social Facebook një qytetar, derisa ka bërë të ditur se kufoma po qëndron bashkë me pacientë të cilët po marrin trajtim për COVID-19. Po ashtu Klan Kosova ka provuar të kontaktojë familjarët e viktimës, mirëpo kontakti me ta ishte i pamundur. https://www.facebook.com/photo.php?fbid=10158963011584255&set=a.10152148392929255&type=3&theater