Fondi Sovran nis në fund të vitit, i ka 500 milionë (VIDEO)

Agjencia Kosovare e Privatizimit nuk duhet të shesë asnjë aset që mund t'i transferohet Fondit Sovran. Ky është udhëzimi i kryeministrit Albin Kurti, i cili ditë më parë tha se qeveria e tij është gati ta miratojë koncept dokumentin për institucionin e ri. Kryetari i Grupit Punues për formimin e Fondit, Besnik Pula, tregon çfarë lloj asetesh janë ato. "Janë disa ndërmarrje, toka bujqësore, patundshmëri, asete që i administron AKP-ja", thotë Pula, njofton Klan Kosova. Sipas Pulës, janë një sërë hapash që duhen marrë para formimit të Fondit Sovran, i cili potencialisht mund të fillojë punën kah fundi i vitit. Me këtë ndryshim, qeveria pret përmirësim të performancës dhe investime në shumë sektorë. Po ashtu, mëtohet investim edhe në sektorin privat. Vlera totale e pasurive që do t'i ketë nën ombrellë Fondi Sovran është rreth 500 milionë euro. https://www.youtube.com/watch?v=dtr9mcR7yEY