Formula 1, Hamilton fitues i Çmimit të Madh të Belgjikës

Lewis Hamilton është fituesi i Çmimit të Madh të Belgjikës. Piloti i Mercedesit e nisi mjaft mirë garën dhe e ruajti avantazhin deri në fund. Nisja e keqe e shokut të tij të skuadrës, Nico Rosberg, ia bëri më të lehtë sfidën Hamiltonit, i cili dominoi në pistën e Spa Francorchamps. Rosberg u rendit në vendin e dytë, ndërsa pas tij erdhi  në momentet e fundit Romain Grosjean me makinën Lotus, i cili la pas Sebastian Vetelin e Ferrarit, që pati probleme me gomën e pasme.