Karateistja Fortesa Orana ka pasur paraqitje mjaft të mirë në kuadër të garës Premier Leauge Karate 1 që po zhvillohet në kryeqytetin e Marokos, Rabbat.
Garuesja kosovare në ditën e parë ka arritur dy fitore dhe një barazim që ia mundëson luftën ne repasazh për medaljen e bronztë, transmeton KlanKosova.tv.
Orana arriti fitore ndaj garueseve nga Japonia Ayumi Uekusa, teksa mposhti edhe kundërshtaren Pola Giorgetti. Në luftën e tretë barazoi 5:5 ndaj egjiptianes Okila Menna Shaaban.
Të dielën garuesja kosovare do të luftojë ndaj kundërshtares çeke Martiona Sachova dhe me fitore eventuale do të stoliset me medaljen e bronztë.
Në këtë garë prestigjioze po marrin pjesë garuesit më të mirë të sportit të karatesë.
●●●
LSHKRIMI NGA
LiZe
Editorial nga Klan Kosova — ndjek sport dhe zhvillimet e tjera kryesore të vendit.
