Fotografi kapë pinguinin e verdhë 'të paparë ndonjëherë'

Një fotograf i botës së egër ka kapur për herë të parë një pinguin të verdhë. Ky pinguin jashtëzakonisht i rrallë nuk mund të mos qëndrojë në mes të miqve të tij më të zakonshëm bardh e zi, transmeton Klan Kosova. Thuhet se është pinguini i vetëm 'i parë ndonjëherë' e që është zbuluar, sipas fotografit Yves Adams. Yves, 43 vjeçar, ishte duke udhëhequr një ekspeditë dy-mujore përmes Antartica dhe Atlantikut të Jugut kur turneu ndaloi në ishujt e largët të Gjeorgjisë Jugore në dhjetor. Ai rrëmbeu kamerën e tij pasi vuri re pinguinin e pazakontë që shkëlqente në mes të 120,000 homologëve të tij në një koloni në Salisbury Plain. Yves, nga Ghent, Belgjikë, e përshkroi përvojën si unike dhe të pabesueshme’- duke zbuluar se si ekuipazhi u 'çmend' kur vuri re zogun. "Unë kurrë më parë nuk kisha parë ose dëgjuar për një pinguin të verdhë", tha fotografi. "Kishte 120,000 pinguinë në atë plazh dhe ky ishte i vetmi i verdhë atje. Ata të gjithë dukeshin normal përveç këtij. Në të vërtetë ishte diçka tjetër. Ishte një përvojë tepër unike".