Në Librazhd raportohet të jetë arrestuar një tjetër person i cili fotografoi votën gjatë procesit të votimit në Spathar të Librazhdit.
Ky veprim mësohet të jetë pikasur nga anëtarët e Komisionit dhe më pas personi është ndaluar dhe telefoni i tij është sekuestruar nga ana e policisë teksa kanë vijuar hetimet e mëtejshme.
Shërbimet policore kanë bërë të mundur kontrollimin e telefonit duke verifikuar dhe votën e fotografuar nga personi në fjalë.
Sipas informacioneve paraprake, bëhet e ditur se masa ndaj tij është marrë pas verifikimit të kryer në vendin ku ndodhi shkelja e ligjit.
Vlen të theksohet se si pasojë e këtij veprimi, procesi i votimit në këtë qendër u ndërpre, për të rinisur pas verifikimeve të kryera dhe masës së marrë ndaj shkelësit të ligjit./Euronews.al
●●●
GSHKRIMI NGA
G.U
Editorial nga Klan Kosova — ndjek lajme dhe zhvillimet e tjera kryesore të vendit.