Një avion i ngarkuar me mallra në qytetin Montpellier në jug të Francës, ka rrëshqitur nga pista gjatë uljes dhe ka përfunduar në një pellg në afërsi.
Sipas një postimi në Twitter të Byrosë Franceze të Kërkimit dhe Analizës për Sigurinë e Aviacionit Civil (BEA), aeroplani i ngarkesave Boeing 737 i West Atlantic Airlines ka rrëshqitur nga pista gjatë uljes në aeroportin e Montpellier-it dhe ka rënë në pellg.
Në aksidentin e ndodhur në orët e mëngjesit, tre persona kanë shpëtuar pa lëndime, ndërsa autoritetet relevante kanë nisur hetimet për ngjarjen, shkruan Anadolu, transmeton Klankosova.tv.
Në pamjet e shpërndara nga BEA, shihet se pjesa e përparme e avionit ka përfunduar në ujë deri në pjesën e krahëve.
Ndërkohë, zyra e guvernatorit të rajonit Herault tha në një deklaratë se fluturimet janë pezulluar në aeroportin e Montpellier-it deri në përfundimin e rishikimit të sigurisë së pistës.
Në deklaratë thuhet se një kompani eksperte do të nisë punën për nxjerrjen e avionit nga pellgu.
●●●
NSHKRIMI NGA
NP
Editorial nga Klan Kosova — ndjek lajme dhe zhvillimet e tjera kryesore të vendit.
