123 kallëzime janë administruara nga SPAK në lidhje me krimet zgjedhore në Shqipëri.
Sipas Prokurorisë së Posaçme në Shqipëri, 35 materiale kallëzuese kanë kaluar në fazën e hetimit (janë regjistruar si procedime penale).
22 janë vendime për mosfillim të hetimit penal.
16 materiale kallëzuese janë dërguar për kompetencë në prokuroritë e rretheve gjyqësore.
10 materiale janë dërguar për verifikim në Drejtorinë Vendore të Policisë. (për informacion shtesë ose për kryerje të veprimeve të para).
1 material është bashkuar me një çështje tjetër ekzistuese, raporton Tch, transmeton Klankosova.tv.
Pjesa e mbetur është në proces verifikimi.
Ndërkohë, 35 Procedime penale të regjistruara, konkretisht:
20 janë iniciuar mbi bazën e referimeve nga Policia e Shtetit.
8 janë nisur kryesisht nga SPAK.
3 kanë ardhur si rezultat i kallëzimeve nga shtetas të ndryshëm.
2 janë referuar nga Prokuroritë e Rretheve Gjyqësore.
2 janë bazuar në kallëzimet e subjekteve politike.
Vepra penale për 35 procedime, konkretisht:
29 procedime janë regjistruar për veprën penale të nenit 328 (korrupsionit aktiv në zgjedhje).
4 procedime janë regjistruar për të dy nenet, respektivisht, sipas nenit 328 me nenin 328/b (korrupsioni aktiv/pasiv në zgjedhje).
1 procedim është regjistruar sipas nenit 328/a (përdorimi i funksionit publik për qëllime politike).
1 procedim është regjistruar për nenin 328/a (përdorimi i funksionit publik për qëllime politike dhe nenin 248 (shpërdorimi i detyrës).
●●●
LESHKRIMI NGA
Lendita Elshani
Editorial nga Klan Kosova — ndjek lajme dhe zhvillimet e tjera kryesore të vendit.
