Futbollisti i Manchester Cityt luan dy ndeshje për një ditë

Një rast i rrallë i ka ndodhur futbollistit të Manchester Cityt Cole Palmer. 19 vjeçari luajti dy ndeshje brenda një dite. Ai u aktivizua kundër Burnley, ku "qytetarët" po fitonin me rezultat 2:0. Pas kësaj, Palmer ka udhëtuar drejt stadiumit të Akademisë, ku ka luajtur një ndeshje tjetër. Këtu ekipi i tij fitoi me rezultat 5:0 dhe futbollisti shënoi hat-trick. Cole Palmer, u shpreh tejet i kënaqur me këtë situatë,raporton manchestereveningnews përcjell Klankosova.tv "Të luash me ekipin e parë në orën tre, pastaj të udhëtosh drejt Stadiumit të Akademisë dhe të shënosh një tregolësh dhe tre pikë të tjera, është mrekulli. Unë pashë që skuadra e të rinjve do të luante në orën 19:30 pasdite dhe ekipi i parë ishte në orën 3 Kështu, mendova se nëse nuk luaj 30 minuta ndaj Bërnlejt, mund të udhëtoja për te ekipi i akademisë". "Unë jam duke bërë atë që dua. Nuk mund të ankohem. Është e vështirë të mbash përqendrimin dhe të ruash energjinë gjatë gjithë ditës, por përveç kësaj, më pëlqeu. Unë përpiqem të argëtohem dhe të gëzoj tifozët me golat e mia".