Gabriel Jesus pritet të mungojë deri në tre muaj

Futbollisti i Arsenalit, Gabriel Jesus, pritet që të jetë deri në tre muaj larg fushave të gjelbra. Jesus u lëndua në ndeshjen që Brazili e humbi nga Kameruni në kuadër të grupeve në Kupën e Botës “Katari 2022”. Ai e pësoi një lëndim në gju dhe u detyrua që të zëvendësohej në pjesën e dytë, Ndërkaq tash, sipas SB Nation, liderët e Premier Ligës mund të jenë pa të deri në fillim të muajit mars, dhe banka e varfër rezervë ua vështirëson luftën për titull.