Gal Gadot tregon se si do të jetë filmi për Kleopatrën ku ajo e luan rolin kryesor

Gal Gadot po flet pak më shumë për rolin e saj kryesor në filmin e ardhshëm Cleopatra. Gjatë intervistës së saj për revistën InStyle, ylli 36-vjeçar i Red Notice tha se do të futej në takat ikonë të familjes mbretërore. "Nuk mund të zbuloj shumë," tha fillimisht Gal "por mund t'ju them se ne do ta festojmë historinë e Kleopatrës". Ajo vazhdoi, duke shtuar se qëllimi është të “tregojë jo vetëm se sa seksi dhe tërheqëse ishte Kleopatra, por edhe se sa strategjike dhe e zgjuar, dhe sa ndikim kishte dhe ka ende në botën në të cilën po jetojmë sot”. "Unë i kam parë të gjithë filmat e Kleopatrës gjatë historisë, por ndihem sikur po tregojmë historinë që bota duhet të dëgjojë tani." Duke luajtur rolin e mbretëreshës egjiptiane, Gal ndjek gjurmët e Elizabeth Taylor, Vivian Leigh, Monica Bellucci, Sophia Loren dhe aktores së filmit të heshtur Theda Bara.