Gazetari Boshnjaku: Pesë punëtorë shqiptarë u larguan nga puna në veri (VIDEO)

Pesë punëtorë shqiptarë, të cilët ishin pjesë e institucioneve publike në veri të vendit, janë larguar nga puna gjatë ditës së djeshme. Lajmin e ka bërë të ditur gazetari korrespondent Urall Boshnjaku në emisionin “Ora 7”, ku tha se ky veprim po cilësohet si një formë e “spastrimit etnik”. Sipas tij, në institucionin në fjalë kanë qenë gjithsej gjashtë të punësuar, prej të cilëve një ishte serb dhe ka vazhduar të mbetet në vendin e punës, ndërsa pesë kolegët shqiptarë janë larguar. Ai bëri të ditur se bëhet fjalë për një koordinator të aspektit teknik, tre mirëmbajtës teknikë dhe një punëtore të pastrimit. "Në këtë institucion që u larguan pesë shqiptarë, ishin 6 persona, njëri prej të cilëve ishte serb, dhe që do të vazhdojë të qëndrojë në vendin e tij të punës, ndërsa kolegët e tij shqiptarë që deri dje ishin pjesë e këtij institucioni, bëhet fjalë për një koordinator të aspektit teknik, tre mirëmbajtës teknikë, si dhe një punëtore të pastrimit, të cilët, siç kanë thënë, pa ndonjë vërejtje me shkrim u larguan, por me një vërejtje me shkrim që morën atë ditë”, tha Boshnjaku në Klan Kosova. Ndiqni detajet e plota, në videon vijuese: https://youtu.be/Pw7RSTnraFo