Gazetari Daci: Babai i Korab Bajgorës nuk është ekzekutuar (VIDEO)

Korab Bajgora, është arrestuar në vikend për shkak të fyerjes dhe kërcënimit ndaj familjes Haradinaj. Ndaj tij është kërkuar masa e paraburgimit, ndërkaq raportohet se i njëjti është dërguar edhe në psikiatri për trajtim. Sot, korrespodenti nga Peja i Klan Kosovës, Valdrin Daci, dha detaje për këtë person pasi që ai e njeh edhe për së afërmi. Ai deklaroi se disa informacione që janë raportuar nuk qëndrojnë. "Korabi, është një djalë i cili çdo fillim të pranverës del edhe shet lule Mimoze në qendër të Pejës. Korabi dhe familja e tij, para luftës kanë jetuar në lagjen Fidanishte, dhe thuhet se kanë jetuar me qira. Unë jam pjesë e lagjes Fidanishte dhe jam rritur me Korabin. Korabi dhe familja e tij kanë qenë në kushte jo të mira ekonomike", deklaroi Daci. "Në kohën kur i kanë i kanë dëbuar nga puna të gjithë qytetarët që kanë punuar në institucione, i dëbuar ka qenë edhe babai i tij Isaku, për të cilin është thënë se është ekzekutuar nga një grup pasluftës. Babai i Korabit e di që kanë vdekur dhe nuk është ekzekutuar nga askush. Dhe ajo çka është thënë në portale nuk e di nga kush është konfirmuar", deklaroi ai në Klan Kosova. https://www.youtube.com/watch?v=eCG9ESRXbqY