Gazetari Lekë Rezniqi flet për sfidat e zhvillimit të tij në karrierë (VIDEO)

Këtë të shtunë në emisionin "Familja ime", u diskutua për sfidat e avancimit në karrierë. Gazetari Lekë Rezniqi ka treguar se si ka vendosur që të lëjë gjithçka në Kosovë dhe t'i vazhdojë studimet në Izrael. "Përvojat janë të ndryshme, pasi unë edhe pse e kam si profesion të parë, asnjë ditë nuk kam punuar deri tash si farmacist. Përndryshe, kam bërë një karrierë në televizon, tash më bëhen 12 vjet që e kam filluar punën". "Arrita në një pikë ku lash gjithçka dhe shkova që t'i vazhdoj studimet në Izrael. Pavarësisht punës në televizion, në formë vullnetare kam qenë i angazhuar prej më shumë se 15 vjet, në një fushë të hulumtimit shumë specifike - pra hulumtimin e historisë së shpëtimit të hebrenjëve te shqiptarët. Kjo ka filluar edhe i ndikuar nga rasi i familjes, pasi stërgjyshi ka mbrojtur hebrenjtë, i cili nuk është i vetmi", është shprehur tutje Rezniqi. Ndryshe Lekë Rezniqi ka publikuar edhe librin “Dokumente për hebrenjtë gjatë dhe pas Luftës së Dytë Botërore në arkivin e familjes Rezniqi". https://www.youtube.com/watch?v=wf0J4zA2eUw