Giorgio Armanin nderohet në Milano me ekspozitë të veçantë në galerinë e artit ‘Brera’

Galeria e Artit “Brera” hapi ekspozitën "Giorgio Armani, Milano, për Dashurinë", një ekspozitë që paraqet 129 pamje ikonike në dialog me veprat e Raphael, Caravaggio dhe mjeshtra të tjerë, si një homazh për trashëgiminë e stilistit Giorgio Armani pas vdekjes së tij. Ekspozita 'Giorgio Armani, Milano, për Dashurinë' është hapur në Pinacoteca di Brera , vetëm disa javë pas vdekjes së stilistit të famshëm në moshën 91-vjeçare. Ekspozita bashkon 129 pamje ikonike të Armanit , nga vitet 1980 deri në ditët e sotme, duke i vendosur ato në dialog me kryeveprat e Raphael, Caravaggio, Mantegna dhe Piero della Francesca, transmeton Klankosova.tv Projekti, i konceptuar si pjesë e Javës së Modës në Milano, ishte planifikuar para vdekjes së stilistit për të nxjerrë në pah ndikimin e tij transformues në botën e modës. "Maestro Armani kombinoi rigorozitetin absolut me një përulësi të pazakontë midis figurave të mëdha në këtë sektor", tha drejtori i galerisë Angelo Crespi. "Ai gjithmonë pohonte se nuk donte të hynte në një dialog të ngushtë me veprat e Rafaelit ose Caravaggio-s, por përkundrazi të ruante një distancë respekti”, përfundoi ai.