Gjashtë arsyet pse dëshira juaj seksuale është e ulët

Nëse jeta juaj ka pësuar paksa rënie, atëherë nuk jeni i vetmi. Të dhënat tregojnë se si burrat ashtu edhe gratë në të gjithë Mbretërinë e Bashkuar po përjetojnë një paqe kur vjen puna për të qenë të ndezur. Ndonjëherë thjesht mund të mos kesh dëshirë për seks, por mund të ketë edhe arsye të tjera pse motivi juaj seksual ka rënë. Ekspertët tregojnë se si të dilni nga rënia e ulët e dëshirës seksuale: 1.Çështjet e marrëdhënieve Ekspertët thonë se shkaku më i zakonshëm i epshit të ulët janë problemet e marrëdhënieve. Ata gjithashtu theksojnë se në uljen e dëshirës seksuale mund të ndikojë edhe marrëdhënia afatgjatë, pra vitet e shumta të kaluara me partnerin tuaj, shkruan The Sun, transmeton Klankosova.tv. Komunikimi i dobët, çështjet me besim dhe debatet e shpeshta mund të çojnë në një dëshirë të ulët seksuale. 2.Problemet seksuale Mund të jetë shumë e vështirë që të jeni në humor nëse keni probleme gjatë seksit. Ekspertët thonë se problemet mund të jenë nga më të ndryshme siç është thatësia apo edhe dhimbjet gjatë aktit. Nëse mendoni se epshi juaj i ulët është shkaktuar nga ndonjë nga elementët më lart, atëherë patjetër duhet të flisni me mjekun tuaj. 3.Shëndeti mendor Në rënien e dëshirës seksuale mund të ndikojë stresi, ankthi, lodhja dhe në rastet më të rënda depresioni. Ekspertja e seksit dhe lidhjeve të dashurisë, Kate Moyle tha se seksi dhe shëndeti mendor janë të lidhur ngushtë me njëri-tjetrin. "Mirëqenia seksuale është pjesë e shëndetit tonë dhe kështu të gjitha këto gjëra mund të ndikojnë njëra -tjetrën për shkak të efekteve fizike dhe mënyrës sesi ne mendojmë dhe ndihemi”, u shpreh ajo. 4.Përdorimi i ilaçeve Përdorimi i ilaçeve të shumta mund të jetë një arsye shumë e fortë e ndërhyrjes në epshin tuaj. Kjo përfshin pilulat kontraceptive, ilaçet për tensionin e gjakut dhe ilaqet kundër depresionit. 5.Të bërit prindër Nëse sapo keni lindur një fëmijë, atëherë nuk shumë gjasa që të dëshironi të hidheni në shtrat për asgjë më shumë sesa për një sy gjumë. Ekspertët thonë se kjo është e zakonshme për shkak të një ndryshimi në hormonet tuaja dhe trupin tuaj, si dhe faktin se ju jeni të rraskapitur për shkak të një foshnje të porsalindur që ka nevojë për kujdes dhe vëmendje të vazhdueshme. Jo vetëm kaq, por të kesh një fëmijë do të thotë që prioritetet e tua të ndryshojnë dhe mund të mos keni kohë që të mendoni për marrëdhëniet seksuale. 6.Pirja e alkoolit dhe droga Një gotë verë mund t’ua ngris humorin, mirëpo përdorimi i vazhdueshëm i alkoolit ose substancave narkotike mund të çojë në mungesë të epshit. Udhëzimet e fundit këshillojnë që burrat dhe gratë të mos pinë shumë alkool sepse ndikon keq në jetën tuaj seksuale edhe nëse nuk keni probleme me pijen.