Gjendet e gjallë 15-vjeçarja që u rrëmbye nga nëna e saj para gjashtë vjetësh

Qendra Kombëtare për Fëmijët e Zhdukur dhe të Shfrytëzuar njoftoi të mërkurën se Kayla Unbehaun, e cila është zhdukur që nga viti 2017 kur dyshohet se u rrëmbye nga nëna e saj, Heather Unbehaun, është gjetur e gjallë. 15-vjeçarja, e cila ishte 9 vjeçe kur u mor nga periferia e Çikagos, ndodhej në Asheville, N.C., kur një punonjës në një dyqan e njohu nënën e saj. Në vitin 2017, babai i Kaylas, Ryan Iskerka, fitoi kujdestarinë e plotë të vajzës. Më 5 korrik 2017, Iskerka zbuloi se Heather Unbehaun ishte larguar me Kayla. Rasti i Kaylas u profilizua në një episod të vitit 2022 të “Mistereve të pazgjidhura” të Netflix, që mbulonte rastet e fëmijëve të rrëmbyer nga prindërit. NCMEC lëshoi një deklaratë në emër të Iskerkas. "Jam shumë i lumtur që Kayla është e sigurt në shtëpi. Dua të falënderoj Departamentin e Policisë në South Elgin, Qendrën Kombëtare për Fëmijët e Zhdukur dhe të Shfrytëzuar dhe të gjitha agjencitë e zbatimit të ligjit që ndihmuan me rastin e saj", tha Iskerka. "Dua gjithashtu të falënderoj të gjithë ndjekësit e faqes "Bring Kayla Home" në Facebook, të cilët ndihmuan ta mbajmë gjallë historinë e saj dhe kanë qenë të dobishëm në përhapjen e ndërgjegjësimit. Ne kërkojmë privatësi teksa po njihemi përsëri dhe lundrojmë në këtë fillim të ri“, vazhdoi tutje babi i vajzës, Iskerka. Heather Unbehaun, e cila ka një urdhër ekstradimi për Illinois, u arrestua të shtunën dhe u mbajt në objektin e paraburgimit të qarkut Buncombe përpara se të lirohej të martën. Ajo është planifikuar të dalë në gjykatë më 11 korrik. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.