Gjendet i vdekur një 72-vjeçar në Fier, ishte shpallur i zhdukur para një jave

Një 72-vjeçar është gjetur pa shenja jete në fshatin Sektor Seman, i cili sipas policisë banonte në Fier. Bazuar në njoftimin e policisë, i moshuari ishte shpallur në kërkim që nga 12 korriku, pas raportimit që kishte bërë vëllai i të ndjerit, transmeton Klankosova.tv. “Në tokat e fshatit Sektor Seman është gjetur i dekompozuar trupi i pajetë i shtetasit M. Sh., 72 vjeç, banues në Fier. Nga kqyrja paraprake nuk janë konstatuar shenja dhune”. “Ky shtetas është shpallur në kërkim më datë 12.07.2025 nga Komisariati i Policisë Fier, pas kallëzimit të bërë nga vëllai i tij për largim nga banesa. Grupi hetimor po punon për përcaktimin e shkakut të vdekjes,” thuhet në njoftimin e policisë.