Gjendet vetura e vjedhur në Mitrovicën e Veriut, arrestohet si i dyshuar një 45 vjeçar

Policia ka dhënë detaje për rastin e vjedhjes së një veture të martën në Mitrovicën e Veriut. Policia shton se automjeti i vjedhur ishte lokalizuar dhe gjetur i braktisur në fshatin Frashër. Më pas, është arrestuar dhe kapur i dyshuari Xh.N., 45-vjeçar, në rrugën “Filip Vishnjiq”. "Pas arrestimit dhe sjelljes në stacionin policor, të njëjtit i është bërë matja e alkoolit dhe ka rezultuar se ndodhej nën ndikimin e alkoolit me një vlerë prej 1.21%". "Lidhur me rastin është njoftuar prokurori kompetent, dhe është iniciuar rasti 'Vjedhje', i dyshuari dhe me vendim të prokurorit është dërguar në mbajtje për 48 orë", thuhet në njoftim. Policia pohon se mbetet e përkushtuar në luftimin e kriminalitetit dhe në ruajtjen e sigurisë për të gjithë qytetarët.