Gjendja me COVID-19 në Kosovë: 97 mijë e 467 raste pozitive, 81 mijë e 561 të shëruar dhe 1 mijë e 976 të vdekur

Nga 13 marsi i vitit të kaluar kur edhe u lajmëruan rastet e para me COVID-19 në Kosovë si të dyshuar për SARS COV-2 janë testuar 471 mijë e katër persona. Nga numri i përgjithshëm i të testuarve 97 mijë e 467 prej tyre kanë dalë pozitivë me COVID-19. Sipas Institutit Kombëtar të Shëndetësisë Publike në Kosovë deri më tani janë shëruar gjithsejt 81 mijë e 561 persona. Ndërkaq siç bën të ditur IKSHPK 1 mijë e 976 persona kanë vdekur si pasojë e koronavirusit. Në vendin tonë akoma vazhdon të jetë numër i lartë i rasteve aktive, gjithsejt 13 mijë e 930. "Numri total i rasteve pozitive është 97.467 raste nga 471.004 persona të dyshimtë në virusin SARS-CoV-2 dhe 1.976 raste të vdekjes, derisa numri i përgjithshëm i të shëruarve deri më sot është gjithsej 81.561 raste, kurse numri i rasteve aktive është 13.930".