Gjenerali rus qëllohet disa herë në Moskë

Një gjeneral i profilit të lartë në ushtrinë ruse është qëlluar disa herë dhe është plagosur në Moskë.

Gjenerallejtënant Vladimir Alexeyev u dërgua menjëherë në spital pas sulmit në një bllok apartamentesh në periferi veriperëndimore të kryeqytetit rus dhe gjendja e tij është e panjohur, shkruan BBC, transmeton Klankosova.tv.

Alexeyev është numri dy në drejtorinë kryesore të inteligjencës ushtarake GRU të Rusisë dhe figura e fundit e lartë ushtarake që është shënjestruar në kryeqytet që nga fillimi i pushtimit në shkallë të plotë të Ukrainës pothuajse katër vjet më parë.

Ai u vu nën sanksione të Bashkimit Evropian dhe Mbretërisë së Bashkuar pasi GRU u akuzua se qëndronte pas sulmit me agjent nervor të vitit 2018 në Salisbury të Mbretërisë së Bashkuar.