Gjermania i dëboi 70 persona në Kosovë e Shqipëri, politikani Krings kërkon më shumë

Gjermania e ka nisur një aeroplan me rreth 70 persona, të cilët ishin në listën e dëbimit. Ata janë dëbuar për në Kosovë dhe Shqipëri. Kështu ka thënë të hënën (26 maj) politikani gjerman i CDU-së, Bunter Krings, raportojnë mediat gjermane “Welt” dhe “Stern”. “Na duhen më shumë fluturime me dëbime të këtilla. Na duhet t’i intensifikojmë këto fluturime”, ka thënë Krings, raporton “Welt”, transmeton Klankosova.tv. Aeroplani u nis nga aeroporti i Hanoverit. Iniciativa për rishikimin e Konventës Evropiane për të Drejtat e Njeriut në fushën e migracionit ka ardhur nga nëntë shtete të BE-së, ndërsa po kryesohet nga Italia dhe Danimarka. Sipas Krings, e drejta e azilit ka dy anë: “Ne duam t’u japim mbrojtje atyre që vërtetë kanë nevojë për mbrojtje – por edhe që t’i dëbojmë nga vendi ynë ata që nuk kanë nevojë për këtë mbrojtje apo e kanë humbur atë të drejtë duke kryer akte dhune”. Krings këto komente i bëri me rastin e fluturimit dëbues për në Kosovë dhe Shqipëri. /Klankosova.tv