Gjermania raporton numrin më të lartë të viktimave nga COVID-19 për 24 orë

Gjermania gjatë 24 orëve të fundit ka raportuar 410 vdekje nga COVID-19. Shifër kjo më e larta ditore që nga fillimi i pandemisë, thuhet nga Instituti Robert Koch (RKI), shkruan CNN, transmeton Klan Kosova Sipas RKI gjatë 24 orëve të fundit janë regjistruar 18 mijë e 633 raste të reja me COVID0-19. Kancelarja gjermane, Angela Merkel, sot do të takojë guvernatorët e shtetit për të vendosur mbi masat e reja për të provuar dhe për të marrë nën kontroll rritjen e infeksioneve. Ndër masat që ngriti debat është zgjatja e kufizimeve aktuale deri në fund të dhjetorit dhe kufizimi i kontaktit me njerëzit në vende publike dhe private.