Qeveria gjermane po ofron kompensim në para për afganët të cilëve u është premtuar pranimi në vend, si dhe ndihmë tjetër nëse heqin dorë vullnetarisht nga e drejta e tyre për të hyrë. Ministria e Brendshme pranon se nuk mund të garantojë që programi i pranimit nga Afganistani do të përfundojë deri në fund të vitit, prandaj vendosi për këtë marrëveshje të pazakontë, shkruan gazeta gjermane FOCUS, transmeton Klankosova.tv Oferta është detajuar në një letër nga Agjencia Gjermane për Bashkëpunim Ndërkombëtar (GIZ) dhe është menduar për dy grupe: rreth 60 persona nga lista e atyre që u janë cenuar të drejtat e njeriut dhe rreth 600 persona nga një program tjetër. Letra thotë se nëse e pranojnë ofertën, afganët do të humbasin të gjitha pretendimet e ardhshme kundër qeverisë gjermane.Si arsye kryesore për këtë ofertë, Ministria e Brendshme (CSU) e Alexander Dobrindt përmend afate kohore. Konkretisht, afganët që presin të hyjnë në Gjermani ndodhen aktualisht në Pakistan, qeveria e të cilit dëshiron t'i dëbojë ata.Gjatë bisedimeve, Ministri i Jashtëm Johann Wadephul (CDU) thuhet se arriti të negociojë një shtyrje të deportimeve deri në fund të vitit, por Pakistani vendosi një ultimatum për largimin e këtyre njerëzve.Prandaj, ministria ka vlerësuar, ndryshe nga deklaratat e mëparshme, se nuk mund të garantojë përfundimin e të gjitha procedurave në kohë. "Për fat të keq, nuk është e garantuar që të gjitha procedurat do të përfundojnë në kohë", thuhet në letrën e GIZ-it. Ky ndryshim qëndrimi mund të lidhet edhe me padinë që aktualisht është në shqyrtim para Gjykatës Kushtetuese Federale.Sipas ofertës, gratë beqare do të merrnin një mbështetje financiare prej 1,500 eurosh në Pakistan dhe 5,000 euro shtesë si "ndihmë për një fillim të ri".Shumat për familjet do të ishin më të larta. Megjithatë, qeveria gjermane supozon se këta njerëz do të duhet të kthehen në Afganistan, vendi nga i cili ikën nga regjimi i talebanëve, prandaj Gjermania fillimisht u premtoi atyre mbrojtje. /Klankosova.tv
●●●
VZ
SHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
