Gjilan: I riu bie në kontakt me rrymën, dërgohet në gjendje të rëndë në QKUK

Një ngjarje e rëndë ka ndodhur sot në Gjilan. Një i ri serb, rreth moshës 23 vjeçare ka rënë në kontakt me rrymën. Gazetarja e Klan Kosovës Arbreshë Uka, raporton se ai është sjellur në gjendje të rëndë në Qendrën Emergjente të QKUK-së. "Jonë në sallë të operacionit ekipet duke punuar. Nga Spitali i Gjilanit e kanë sjellë në Emergjencë në QKUK", deklaroi një burim brenda emergjencës. "Nese mbijeton transferohet në Mjekimin Intensiv Qendror", theksoi ky burim. Ndërkaq rasti është konfirmuar për Klankosova.tv edhe nga Policia. "Rasti ka ndodhur sot, derisa kishte qenë duke punuar në rregullimin e një kulmi në një ndërtesë afër gjykatës. Është dërguar në QKUK. Gjallë ka shkuar atje", deklaruan nga policia. Klankosova.tv do t'ju informoj lidhur me rastin./ Klankosova.tv.