Gjilanasi do që t'i ftojë në dasmë prindërit që e braktisën – familja adoptuese e mbështet (VIDEO)

Më 2 korrik të vitit 2004, një foshnje ishte braktisur në oborrin e spitalit të Gjilanit. Foshnja e posalindur ishte gjetur nga roja dhe ishte dërguar brenda ndërtesës nën kujdesin e mjekëve. Pas dy muajsh qëndrim në repart, ajo foshnjë u adoptua nga një familje gjilanase, të cilët për vite të tëra nuk po mund të kishin fëmijë më, raporton Kiks Kosova. Ajo foshnjë u rrit me shumë dashuri e kujdes maksimal nga prindërit adoptues. Madje kujdesi i tepërt nga i gjithë rrethi familjar, ishte pika e parë kur tani 21-vjecari kishte filluar të dyshonte që mund të jetë i adoptuar. Një detaj tjetër i cili e bënte E.R që të dyshonte se prindërit që e rritën nuk ishin prindërit biologjikë, ishte mosha e shtyrë e tyre dhe mosngjasimi fizik me ta. Sipas 21-vjeçarit, shumë herë prindërit kishin filluar t’i tregonin mirëpo asnjëherë nuk mundeshin t’i shkonin deri në fund. Madje një herë, sipas tij, e ëma kishte përfunduar në spital nga stresi kur po mundoheshin të i tregonin se është i adoptuar. Tetorin e vitit të kaluar, e ëma që e kishte rritur E.R ishte ulur e i kishte treguar të fejuarës së tij të vërtetën. E përmes saj, edhe ai e kishte marrë konfirmimin e një dyshimi që e kishte pasur për vite me radhë. Ani pse dyshime pati gjithmonë, momenti kur konfirmoi gjithçka, 21-vjecari për KIKS Kosovën tha se qe i vështirë. Në një rrëfim për KIKS Kosovën, E.R tha se ka përkrahjen e prindërve adoptues që të gjejë ata biologjikë. Meqenëse dasmën e ka pas tre muajsh, ai tha se familja adoptuese duan që të ftojnë në dasmë edhe prindërit biologjikë, nëse i gjejnë deri atëherë. Gjilanasi tha se do që të i gjejë prindërit biologjikë thjeshtë për të ditur rrethin biologjik të tij. Ai frikësohet se një ditë, fëmijët e tij mund të lidhen me dikë që mund të kenë lidhje gjaku. Ajo çka i sillet nëpër kokë është se ndoshta e ëma biologjike mund të e shohë emisionin mirëpo do ngurrojë që të paraqitet sepse mund të e shkatërrojë familjen që ndoshta tani ka ndërtuar. 21-vjeçari tha për KIKS-in se këto muaj ka hasur në vështirësi duke kërkuar prindërit biologjikë sepse nuk ka asnjë informacion të arkivuar për të. Në rrëfimin e tij për KIKS Kosovën, E.K tha se asnjëherë nuk do braktisë prindërit adoptues që e rritën. Ndiqni më poshtë kronikat e Kiks Kosova të përgatitura për këtë temë: https://youtu.be/V9cIEq_ixBs https://youtu.be/mK4UyjkiHyQ https://youtu.be/MoRdV3Q1noQ https://youtu.be/4_h3fxKSqfM