Gjokoviq i dërgon fëmijët serb nga Kosova ta shohin Davis Cup

Teniseri më i mirë në botë, Novak Gjokoviq  ka organizuar shkuarjen e fëmijëve serb të Kosovës në ndeshjet e reprezentacionit serb në Davis Cup të cilat ndeshje do të luhen gjatë vikendit. " Është e vërtetë se kam organizuar ardhjen e fëmijëve nga Kosova dhe kjo është e pakta që reprezentacioni dhe unë mund të bëjmë për fëmijët që jetojnë në enklava" "Ka shumë pak situata kur nuk nevojitet përpjekje e madhe për të bërë diçka si kjo". "Më gëzon fakti që do t`i shoh fëmijët në këto ndeshje dhe shpresoj se edhe ata do të argëtohen" tha Gjokoviq, raportojnë mediat serbe, përcjellë Klan Kosova. Ndeshjet e raundit të parë të Davis Cup në mes të Serbisë dhe Kazakistanit janë planifikuar të zhvillohen nga e premtja deri të dielën, dhe Novak do të nis betejën  me kazakët, ku sot  nga ora 14 do të përballet me Alexander Nedovjesova.