‘Gjuetarët e pedofilëve’ e plaçkitin një 37-vjeçar në Belgjikë

Tre gjuetarë të vetëquajtur të pedofilëve joshën një burrë 37-vjeçar nga qyteti Mechelen në Antwerp të Belgjikës të dielën, më pas e rrahën dhe grabitën, Kjo është konfirmuar nga zyra e prokurorit publik të Antwerp, shkruan brusselstimes.com, transmeton Klan Kosova. Sulmi ndodhi të dielën mbrëma në Bregun e Majtë të Antwerp-it. 'Pedogjuetarët' iu afruan “viktimës” së tyre përmes rrjeteve sociale dhe pozuan si një vajzë 14-vjeçare që donte ta takonte. Burri e pranoi ftesën, më pas u prit nga një grup, të cilët i dhanë disa goditje dhe i grabitën portofolin, celularin dhe cigaret. “Viktima” ka pësuar lëndime të lehta dhe ndoshta kundër pritshmërive të sulmuesve të tij, ka njoftuar policinë.

klankosova.tv