Gjuetari që vrau 5 mijë elefantë dhe 60 luanë thotë se i jep ‘një emocion’

Një burrë që është emëruar një nga gjuetarët më të pangopur në botë, ka thënë se mijëra vrasje i dhanë atij një ‘emocion të madh’. Ron Thomson nga Zimbabve, besohet të ketë vrarë pesë mijë elefantë dhe 60 luanë gjatë viteve të tij të gjuetisë. Në faqen e tij, ai mburret edhe për vrasjen e 800 bualleve e 40 leopardëve. Ai gjithashtu mburret se si ai ka kaluar 25 mijë orë në ndjekje të elefantëve afrikanë. Thomson filloi të gjuante si një adoleshent duke e shndërruar në hobi. Prej vitit 1959, ai punoi si një roje parku dhe u thirr rregullisht për të vrarë kafshët, raporton Sun, transmeton Klan Kosova. Thomson pranon haptas se gjatë vrasjeve, ai nuk kishte ‘ndjenja’ dhe ishte ‘plotësisht i papenduar’. Ai tha për The Independent: “Unë nuk kam asnjë ndjenjë, jam krejtësisht i papenduar. Kjo është një emocion për mua, të jem i sinqertë”.