Gjuriq iu kërkon serbëve të Kosovës t`i përkrahin kandidatët e Listës Serbe

Drejtori i të ashtuquajturës Zyre serbe për Kosovën Marko Gjuriq i ka bërë thirrje qytetarëve serb që të mbështesin kandidatët e Listës Serbe në zgjedhjet lokale më 22 tetor. Sipas tij, në këtë mënyrë, mes tjerash, ata do të votojnë "kundër ndarjes së lidhjeve serbe në krahinë me shtetin e Serbisë dhe kundër sfidimit të të drejtave të popullit tonë në krahinë për interesin e tyre kombëtar". "Zgjedhjet e ardhshme lokale nuk janë një mundësi për dikë që të zgjidhë problemet e tyre personale ekzistenciale, të punësojë veten, një anëtar të familjes ose një të afërmi, këto zgjedhje janë me rëndësi ekzistenciale për popullin serb në Kosovë ", tha ai, raportojnë mediat serbe, transmeton Klan Kosova